Vit mæla til at byrja 8–12 mánaðir áðrenn brúdleypið. Tað gevur tær tíð at hugsa teg um og tryggjar, at valið ikki verður avmarkað av leveringstíðum.

Ger tær frammanundan nakrar tankar um, hvørt tú vilt leiga ella keypa. Eisini er ein fyrimunur at hava eina hóming av budgettinum, so vit kunnu vegleiða tær best møguligt.

Tað hjálpir nógv, um tú áðrenn fyrstu royndartíðina hevur hugt at myndum og hevur eina hóming av, hvat tær dámar, og hvat passar til tín stíl.

Ein brúðarkjóli skal ikki bara vera vakur. Hann skal eisini geva komfort, tryggleika og góða kenslu allan dagin. Ofta fellur brúðurin fyri einum øðrum sniði enn væntað, og tí er ein royndartíð sera umráðandi.

• Royndartíð kostar 500 kr.
• Umleið 90 minuttir, har tú ert einasti kundin í handlinum
• Persónlig vegleiðing og friðarlig uppliving
• Møguleiki at hava 2–3 gestir
• Te, kaffi og okkurt søtt er íroknað
• Finnur tú ein kjóla, trekkja vit tær 500 kr frá keyps/leigu prísinum.

Hevur tú spurningar viðvíkjandi royndartíðini, ert tú altíð vælkomin at seta teg í samband við okkum.

Tá ið tú hevur funnið rætta kjólan, vegleiða vit teg í tillagingum. Vit arbeiða saman við dugnaligum seymikonum kring landið og hjálpa tær at finna bestu loysnina. Upplegg og aðrar tillagingar mugu vanliga roknast við.

Rætti brúðarkjólin gevur eina kenslu av ró og gleði – eitt stillisligt ja, sum tú kennir við hjartanum.